Premiere League club chuan nakum summer transfer lo awm turah Harry Kane chu lak luh an duh niin reports in a tarlang.
Kan hriat angin Harry Kane hi Tottenham atanga Bayern Munich a pan hnuin a che tha chhunzawm hle a, inelna hrang hrangah Bayern tan match 111 inlan tawhin goal 107 lai a khung a ni. Hei mai bakah season hmasa khan Bundesliga nomawi a chawi pui bawk.
German club lamah hian che tha viau mahse, a hmalam hun erawh a chiang thei bik lo, tunah hian release clause £56.7 million a nei a, hei hi summer transfer lo awm turah a activate thut thei a ni.
Spanish outlet SPORT tarlan angin Kane chuan a hmalam hun tur a tifel der tawh niin an tarlang a, Barcelona lama luh chu a pawi tilo niin an tarlang bawk.
Hetihlai hian Barcelona lam pawhin Robert Lewandowski thlaktu tur atan level sang tak nei kum 32 a upa No-9 position Harry Kane hi an duh ve bawk. Mahse, Barca hi chuan sum lamah harsatna anneih zeuh zeuh avangin, an sum dinhmun thlir chungin an che chhuak dawn chauh niin an sawi.
Calatan club lian Barcelona hian Julian Alvarez lak luh chu an duhthusam ber a ni a, mahse, Alvarez transfer fee erawh a hrawl viau an ring. Hei vang hian Harry Kane chu man tlawm zawk leh release clause peka an luh theih an inring zawk a ni.
Mahse, Barca hian Premiere League club atangin eltu annei thar dawn niin a lang. Harry Kane club hlui Spurs chuan an star hlui chu North London lama lak let leh mai pawi an tilo.
Kan hriat angin Harry Kane hi Spurs lamah kum 13 lai mai hun alo hmang hman ve tawh a, goal 280 lai khungin trophy erawh a chawipuilo a ni.
Summer transfer lo awm turah Harry Kane'an Bayern Munich a chhuahsan anih chuan Spurs lam pawh an buai ve nak dawn niin a lang. Tuna an manager Thomas Frank pawhin Harry Kane lak let leh chu pawi a tilo. Fans te pawhin Tottenham lama a rawn kir leh hi an duh ngei a ring bawk.
0 Comments