Manchester United legend Gary Neville chuan tun season Premiere League khelh meka che tha em em Arsenal dang theitu tur chu Liverpool team chiah annih thu a sawi chhuak a. Gunners lam an that thu leh tun season chu nomawi an chawi ve ngei a rin thu a sawi chhuak bawk.
Gary Neville chuan NBC Sports a hrilh danin, tun season khelh mekah Liverpool in an player pawimawh Virgil van Dijk leh Mohamed Salah hi hliam avanga an chawlhtir anih chuan a pawi thui viau thei dawn niin a sawi bawk.
"Tun season khelh mekah hian Arsenal in nomawi an chawi ngei ka ring a, hetihlai hian anmahni hneh theitu tur team pakhat chiah an awm bawk. Mahse, Liverpool hian Van Dijk leh Salah chu hliam avanga an chawlhtir thut anih chuan harsatna lian tham takah khan an kir leh ang. Mahse, Arsenal chuan player han chan tur em em pawh anneih ka ring lo, a chhan chu position tinah cover tu tha, quality inang nei annei vek. Bukayo Saka hian hliam nei ve ta se, amah thlaktu tur Noni Madueke ala awm cheu bawk, a hma pawhin a rawn thlak kha."
"Arsenal hian positon tinah an player tluk pui tho, thlak theitu tur quality tha tak nei annei vek. Nomawi chawi lo tur chuan amahni leh anmahni inhneh a ngai ang. Man City pawh a hma angin Arsenal hneh thei turin an rawn kir theih ka ring tawh lo, Liverpool chiah hi Arsenal hneh theitu tur anni, mahse, rang taka an tlan let tam a ngai ang." tiin a sawi a ni.
Tun season khelh mekah Arsenal hi an vung hle a, tunah hian Premiere League table-ah pakhatna dinhmun an hauh mek a, point 7 laiin Liverpool aiin an sang fal mek a ni.
0 Comments