Kan hriat angin Vinicius chu minute 72 naah thlak a ni a, a lungawilo hle tih a hriat a, tunnel lam a pan nghal anih kha.
An sawi danah kha tia field a chhuahsan lai vel khan, Vinicius chuan, "Kei maw? Coach? Coach kei maw? Englai pawhin min thlak, club ka chhuahsan ang, ka tan chuan club chhuahsan a tha ber" tiin a sawi niin an tarlang.
Tunnel lama a luh hnu rei vak lovah bench lamah rawn kir lehin, game khelh zawh ruala buainaah pawh alo tel leh hman a ni. Kum 25 a upa Vinicius Jr chu Barcelona winger Lamin Yamal nen an intihthiam loh hnuin yellow card a hmuh phah a, mahse, tunah chuan ngaihdamna thu ang reng a sawi a ni.
"Madridistas zawng zawng te tan message ka nei a, a bik takin Bernabeu a inkhel en tura lo kal zawng zawng te tan" tiin Vini chuan Real Madrid TV a hrilh.
"Hetiang hi El Clasico nih dan chu a ni, field chhungah thil tamtak a thleng. Pangngai taka awm chu kan tum ve viau, mahse, hetiang hi englai pawhin a thleng theih vek kher lo. Tumah hi kan tithinur duh lova, a bik takin player naupang zawk leh fans te chungah."
"Field chhungah inkhel turin kan lut a, kan role chu kan hria, Vawiinah kha kha thil thlen dan chu a ni, Hala Madrid" tiin a sawi.
0 Comments