Dowman hian minute 73-ah Leandro Trossard chu a thlak a, Champions League gam hmasa ber a khelh hian kum 15 leh ni 308 a upa a ni.
He record hi kum 2020 khan Borussia Dortmund tan Youssoufa Moukoko chuan lo siam tawhin, kha tih lai khan kum 16 leh ni 18 a upa a ni. Mahse, Max Dowman chuan he record hi a khum a, player dang, Lamine Yamal leh Ryan Cherki te record neih pawh a khum bawk. Yamal leh Cherki hian kum 16 a upa annihin Champions League game hmasa ber an khelh a ni.
Champions League khel thei naupang ber record nei hmasa tu, Celestine Babayaro chuan Moukoko'an a record neih a rawn khum hma khan, he record hi kum 28 chhung teh meuh mai alo kawl hman a ni. Mahse, kum 6 liamta chhung khan player 4 in a record neih ang hi an rawn nei ve a ni.
Dowman hian Champions League record a siam mai bakah, kum hmasa lamah khan UEFA Youth League record a siam a, chu a record siam chu goal khung thei naupang ber a ni. Premiere League 2 lamah pawh record a siam tho a ni.
Champions League khel thei naupang zual player 5 te:
5. Rayan Cherki (18 Year and 102 days) Zenit 2-0 Lyon 27 Nov 2019
4. Celestine Babayaro (16 years 86 days) Steaua 1-1 Anderlecht 23 Nov 1994
3. Lamine Yamal (16 years 68 days) Barcelon 5-0 Antwerp 19 Sep 2023
2. Youssoufa Maukoko (16 years 18 days) Zenit 1-2 Dortmund 8 December 2020
1. Max Dowman (15 years, 308 day) Slavia Praha 0-3 Arsenal 4 November 2025
0 Comments