Nizan Champions League match Manchester City leh Borussia Dortmund te inkhelh hnu khan Erling Haaland chuan Champions League history thar a siam
Nizan inkhelhah khan Erling Haaland chuan minute 29 naah Man City goal 2 na a khung a, kha a goal khung kha 2025/26 season inelna hrang hranga goal 18 a khung tlinna a ni nghe nghe. Goal a khung theihnaah Jeremy Doku a tangkai hle.
Man City lam hian goal an khung hma hle a, minute 22 naah Phil Foden chuan a goal khatna rawn khungin Pep Guardiola nau ten hma an hruai nghal. Ruben Dias a khelh loh avangin Erling Haaland chu captain atan ruat a ni.
Opta Analyst lamin an tarlan danin Norwegian hian Champions League bikah club hrang pathum RB Salzburg, Dortmund leh Man City tan a zawnin match 5-ah goal a khung vek a, hetiang ang ti thei player hmasa ber anih thu an tarlang.
Cristiano Ronaldo pawh kha Man Utd, Real Madrid leh Juventus tan lo khel ve bawk mahse, Haaland record neih ang hi a nei thei bik lo a ni.
Tun season meuh zawng Man City star Erling Haaland hi goal khung lamah a duailo hle a, Premiere League-ah top scorer ni mekin, Champions League-ah pawh goal 5 a khung mek a ni.
0 Comments