Arsenal in Premiere League history thar an siam

Arsenal chuan Burnley chu 2-0 in an hneh a, history thar an siam.

First Half-ah Arsenal tan Viktor Gyokeres leh Declan Rice chuan goal an khung a, Turf Moor-ah Mikel Arteta leh a naute chuan cleansheet neiin 2-0 in hnehna an chang.

Tun season khelh mekah Gunners lam hi an che tha ang reng hle a, goal 18 an khung tawh a, goal 3 chiah an la chhuah a ni. Premiere League khelh mekah anni aia goal chhuah tlem an la awmlo.

Goal 18 an khung atanga goal 10 hi set pieces atanga an khung te niin, penalty spot atangin goal 2 an khung bawk.

Tunah hian Arteta leh a nau te hi Table-ah pakhatna dinhmun an la hauh tluang zel a, champion thei tura rinkai ber an la ni mek. Hei mai ala ni lo, Burnley an hneh hnu khan history lehkhabuah an hming a chuang thar.

Chu an record thar siam chu, Premiere League history bikah game hmasa 10 khelh atanga, corner atanga goal 8 khung thei team hmasa ber anni.

Hei mai bakah tun season khelh mek hian an away goal hmasa 5 kha corner atanga an khung vek a ni. Corner an hmang tangkai thei tlat.