Slot hian season hmasa khan Liverpool chu nomawi alo chawi pui tawh a, season hmasa lama a chet that em avangin, Liverpool thuneitute chuan season thar atan tiin beiseina sang tak neiin player pawh an lanlut ve nual anih kha.
2025/25 season Premiere League-ah pawh bul an rawn tan tha khawp mai, match hmasa 5 an khelh atangin hnehna an chang vek a, beiseina pawh a sang viau. Mahse, hun alo kal deuh a, mak tak maiin an rawn form chhe viau.
Engvang taka tlahniam nge annih tih a chiang lova, Slot thutlukna siam chhiat lutuk avang nge, an player thar lakluh te nen an inmil vak lo zawk tih chu Liverpool fana te zawhna lian ber pakhat a ni.
Liverpool hi an game khelh leh tur match 3-ah an chet that viau a ngai dawn niin a lang. League bikah Aston Villa leh Manchester City an hmachhawn dawn a, Champions League lamah Real Madrid an hmachhawn bawk ang.
Heng an game khelh leh turah an chet that via a, hnehna an chang vek thei anih chuan Slot atan pawh beiseina a sang ve deuh thei ang. Fans te pawh an phur sawt ang.
Slot hi Liverpool lamah a pawimawh hle a, fans te pawhina an ngainat a ni. Mahse, hetiang anga a chet chhiat pui zel chuan, fans te rilru hi a inthlak ve thei a ni.
Champions League lamah Real Madrid an hneh theilo anih pawhin League lamah Villa leh City tal an hneh a ngai ang, mahse thil awlsam a ni dawn lo, a chhan chu team pahnih te hi an form lai tak a nih avangin.
Slot hian starting XI ah player tha tak a thlan thiam viau a ngai dawn. Thlir zel phawt ang.
0 Comments