Real Madrid chuan Xabi Alonso hnuaiah nomawi thahnem tak chawi chu an tum ber a ni a, tunah hian season thar lam pawh an thlir nghal niin report in a tarlang.
Tuna an an sawi leh ngaihtuah hmasak ber tur chu Real Madrid lama Vinicius Jr contract neih chu an pawt sei dawng nge dawn lo ti hi a ni. Hetia a contract chungchang ngaihtuah anih lai hian an manager Xabi Alonso nen inhmuhthiam lohna annei niin a lang bawk a, club lam hian a contract neih hi an pawhsei sak theilo maithei.
SPORT in a tarlan dan angin tun dinhmunah chuan Vinicius Jr. contract neih lai pawhsei chu an la harsat viau niin an tarlang. Brazillian hian club chhuahsan tum ang te pawhin an sawi bawk.
Real Madrid in contract an pawhsei sak theih loh chhan tur pakhat chu, Vinicius hian Kylian Mbappe hlawh ang hlawh a duh ve niin an sawi a, Real Madrid hian an attacker hlawh atan €20 million vel pe thei turin an inbuatsaih ve a, hetah hian bonus leh neuh neuh te nen €25 million a tling thei dawn a ni.
Mahse, Vini chuan hei tam hi a hlawh duh ve niin an sawi. Tun season khelh mekah duh ang leh beisei angin bul a tan tha lem lova, mahse, tunhnai te hian tlemin harh tharna a rawn chang ve leh deuh.
Real Madrid chhuahsan tum anga thuthang awm chu ala dai chuang lo, Real Madrid lam hian Vini man tur leh an hralh chhuahna tur an ngaihtuah tan a ngai dawn niin a lang, a bik takin El Clasico an khelh tuma Alonso laka a chet dang avang khan chhuak hnai tur anga sawi a ni bawk.
Real Madrid lamin Vinicius hi an chhuahtir anih chuan amah thlaktu tur atan Erling Haaland chu an thlithlai nghal a rinawm a, ani hi tun dinhmunah an top attacking target a ni mek.
Reports in an tarlan dan chuan, Real Madrid tan Erling Haaland lak luh chu thil awlsam a nih loh tur thu an tarlang. Mahse, an club harbour leh agent Rafael Pimienta te hian inkungkaihna tha tak anneih thu an tarlang. Hei hian Santiago lama insawn theihna kawngkhar ala inhawng reng tih a lantir a ni.
Erling Haaland hian Man City lamah contract thar kum 2034 thleng sign mahse, Real Madrid lama insawn chungchangah eng thu mah ala sawi lova, a awmzia chu hun remchang leh tha zawk a awm anih phawt chuan engtik lai pawhin insawn thei dinhmunah a ding reng tihna a ni, transfer market-ah chuan engpawh thleng thei vek anih kha.
0 Comments