Tuesday press conference-ah Chelsea boss Enzo Maresca chuan Joao Pedro hi season khata goal 20 khung chi number 9 position anih loh thu a sawi chhuak.
Italian manager chuan Chelsea striker Joao Pedro chu Erling Haaland, Robert Lewandowski leh Kylian Mbappe te nen an inan loh thu a sawi tel bawk.
A sawi hi a dik thei viau a rinawm. A chhan chu Joao Pedro hian a career pumpuiah vawi khat chiah season khatah goal 20 ala khung tling a, chu chu 2022/23season khan Brighton tan alo khung ve tawh a ni. Inelna pakhat atang ala ni lo zui, Premiere League, Europa League leh FA Cup atanga a goal khung belhkhawm a ni.
Kan hriat angin Chelsea lama a rawn luh tirh khan a rawn che hot nghal viau mai. Club World Cup an khelh lai a ni bawk a, Joa Pedro kha match 3 a inlan atangin goal 3a rawn khung nghal pang anih kha. Hei mai ala ni lo Premiere League game hmasa pathum khelh atangin goal 2 a khung mai bakah assist vawi 2 ala nei zui bawk. Amahah khan mi zawng zawngin beiseina annei a, mahse, a rei tulh tulh a, a che tha lo sawt hle.
Ahnuah Chelsea tan inelna hrang hrang match 8 ah inlanin assist vawi khat bak a nei theilo a ni.
Tunah hian Liam Delap a rawn kir dawn a, Chelsea tan chuan thulawmawm tak a ni ngei ang. Joao Pedro pawh ala rawn form chho leh anih ngat chuan an tha viau turah ngai ang.
Chelsea lam che tha vak lo mahse, tun dinhmunah Premiere League goal khung tam zual club 3 ah an tel ve a ni. Tottenham leh Man City te nen goal 17 theuh an khung mek.
0 Comments