Tun season meuh zawng goal khung lamah Harry Kane a rawn tha viau. Club Brugge an hmachhawn hnu khan Cristiano Ronaldo leh Lionel Messi record neih a khum a ni. Chu a record khum chu season tan tirh atanga chhutin goal 20 khung nana game khelh tlem lamah a ni.
Nizan Champions League khelhah khan Bayern Munich chuan Club Brugge chu 4-0 laiin an hneh a, Harry Kane pawhin goal 2 na a khung ve bawk. Tun season khelh mek inelna hrang hrangah Harry Kane hian match 12 atangin goal 20 lai a khung a, Cristiano Ronaldo leh Lionel Messi'an goal 20 khung nana an game mamawh aiin a tlem zawk a ni.
Cristiano Ronaldo khan 2014-15 season khan Real Madrid tan goal 20 khung nan match 13 a mamawh a, Lionel Messi pawhin goal 20 khung nan a tlem berah match 17 a mamawh ve bawk.
Tun season tantirh khan Harry Kane hian Lionel Messi record neih alo khum tawh a, TNT Sports in an tarlan danin minute 742 atangin goal 20 laiah a inhnamhnawih a, minutes 7 in Messi record neih aiin a tlem zawk a ni tiin an tarlang.
Kum 2017 calendar year khan Harry Kane hian Lionel Messi leh Ronaldo chu goal khung lamah alo hneh tawh anih kha. Messi'an goal 54 khungin Ronaldo'an goal 53 a khung ve bawk. Mahse, Harry Kane khan Tottenham leh England tan goal 56 a khung a ni.
Tun anga goal a khung chho thei zel anih chuan record dang pawh ala siam belh thei dawn niin a lang.
0 Comments