Nizan Champions League match Liverpool leh Eintracht Frankfurt te khelhah khan Liverpool lam chuan a zawna match 4 lai mai an tlawm hnuin, 5-1 lai maiin hnehna an chang a, fans te chu an player lak luh thar Hugo Ekitike chet danah an lawm hle niin a lang.
Nizan inkhelhah khan mual neitu Frankfurt lam atangin Rasmus Kristensen chuan minute 26-ah goal a rawn khung nghal. Mahse, Liverpool lam an kaitho ani ringawt, minute 35 naah Hugo Ekitike chuan draw na goal a rawn khung nghal a ni.
Liverpool lamin an rawn nawr viau a, minute 39 naah Virgil van Dijk chuan goal 2 na rawn khung ve leh in, minute 44-ah Konate chuan goal 3 na rawn khungin half-time hmain 3-1 in Liverpool lamin hma an hruai. Premiere League champion hian second half lamah pawh game an thunun hle a, an player lak luh thar, duh ang leh beisei anga la che lo Florian Wirtz chuan Gakpo leh Szoboszlai goal khung tur siamsak in goal an khung bawk. Liverpool lamin khual mualah 1-5 in hnehna an chang ta a ni.
Nizan inkhelhah khan Virgil van Dijk chu Man of the Match atana thlan a ni bawk.
Inkhelh zawh khan X lamah Liverpool fans te chuan an player lak luh thar Ekitike chu an fak a, bench-ah thu tawh lova, start reng turin an duh.
Fan pakhat chuan, "Ekitike hi bench-ah thu leh tawh ngai suh se" tiin a sawi.
Fan pahnihna chuan Ekitike chu summer transfer-a an player lak luh tha ber anih thu a sawi.
"Ekitike hi player hlauhawm tak a ni, Liverpool in summer transfer-a an player lak luh tha ber ani mai thei" tiin a ziak ve bawk.
Fan pathumna chuan, "Hugo Ekitike, min ngaidam ang che, i game hi ka en tam loh avangin, hetiang em em hian a ni maw ilo that"
Fan Palina, "Ekitike nang hian ka life i thlak chiang hle" a ti ve bawk.
0 Comments