Old Traffor leh United Carrington trainng centre vel chu kar liamta atang khan eng lam a pan chho ve leh a, fans lam pawh an rawn phur thar viau mai, an game hnuhnung berah Red Devils chuan Anfield-ah Liverpool chu 2-1 in an hneh anih kha.
Ruben Amorim'an Erik ten Hag a thlak hnuah a vawikhatna atan a zawnin Premiere League-ah hnehna vawi hnih a chan puina a ni bawk.
Manchester United hian tunkar chho hian Premiere League lamah Brigton chu an hmachhawn leh dawn a, hnehna an chan theih ngei a rinawm.
Mirror in a tarlan angin, Joshua Zirkzee chuan January transfer window inhawn hunah club chhuahsan a duh niin an tarlang a, January ni 1 atangin transfer window hi hawn a ni leh ang. The Netherlands international hi kum 2024 July thla khan Serie A club Bologna atangin Pound 36 million in an la lut a, kha tih lai kha Erik ten Hag hunlai a ni. Mahse, duh ang leh beisei angin United lamah a che tha lem lo.
Man Utd tan match 53 inlan ve tawhin goal 7 a khung mai bakah assist vawi 3 a nei mek. Amorim'an United a enkawl hnu phei chuan game khelhna hun a nei tlem hle a, Tun season bikah phei chuan match 3-ah chiah ala inlan a ni.
Zirkzee hian Netherlands tan 2026 World Cup khelh ve ngei a duh a, an head coach Ronald Koeman chuan game khelh tama regular taka a start anih chuan a tel thei dawn niin a hrilh. Hei vang hian khelhna tam zawk aneih theih nan club chhuahsan mai chu a duh ta a ni.
Mirror tarlan dan chuan Zirkzee chuan Premiere League club dang thenkhat lama la cham chu a duh a, mahse, tunhnai lawk khan Italian club lam atangin duhtu a nei nual niin an tarlang a, Juventus pawh amah duhtu zingah an tel ve bawk.
0 Comments