Kan hriat angin kum taktak chhung chu Manchester United defender Harry Maguire chu miten an lo nuihsawh a, fiamthu thawh nan an hman tam ber player pakhat a ni. Nizan Liverpool leh Manchester United inkhelhah khan Manchester United lam chuan 2-1 in hnehna an chang a, kum 9 hnuah a vawikhatna atan Anfield-ah hnehna an chang ve ta a ni. United tana chakna goal khungtu kha Harry Maguire a ni nghe nghe.
Manchester United tana goal khung tam ber Wayne Rooney chuan United lamah che tha thei lo, mi tena fiamthu thawh nana an hman tam ber Harry Maguire chungchang a sawi. Harry Maguire hian kum 2019 khan Pound 80 million in United hi a zawm a, Old Trafford lamah beisei a phak loh hle a, fiamthu thawh nana an hman tam ber player pakhat a ni.
Rooney chuan ti hian a sawi, "Vawiin khan eng vanga World Cup squad-a tel nge anih tih a ti lang a ni, player pawimawh tak pakhat a ni tih hi ka ring bur."
"Manchester United-a a rawn luh hnuin harsatna hrang hrang a tawk a, kum tamtak chhung chu mi te nuihzat bur pakhat a ni. Engnge maw changin Africa Parliament pakhatah a hming alo lang bawk, miten an nuihzat hle. Maguire hian hun harsa tak paltlang tur tamtak a nei a, heng zawng zawng hi a paltlang ve mai, a ngaihtuahna leh a rilru a khawng tha hle."
"A chet that loh em avangin captain armband thlenga hlih thlak sak a ni a, hei hian mi tamtak nuih a ti za hle" tiin Rooney chuan Maguire rilru that zia leh tumruh zia a sawi chhuak.
Wayne Rooney chuan Maguire chu mi tuarchhel tak anih thu a sawi a, a thil lo paltlang zawng zawng te ngaihtuah chuan mi tuarchhel leh tumruh tak anih thu a sawi.
0 Comments