Pathianni zan Premiere League match Liverpool leh Manchester United inkhelhah khan mikhual lam United in 2-1 in hnehna an chang a. Manchester United hero Gary Neville chuan Liverpool defender Milos Kerkez chu a sawisel. Arne Slot leh a naute hi Premiere League bikah a zawnin match 3 lai an tlawm tawh a, inelna hrang hrangah a zawnin match 4 an tlawmna a ni bawk.
Manchester United atangin Bryan Mbeumo leh Harry Maguire chuan goal an khung a, mual neitu Liverpool lam atangin Cody Gakpo'an goal khat a khung ve bawk
Season tan tirh khan Liverpool lam hi an rawn che tha viau a, mahse, tunah erawh beisei an pha lo hret hret. Gary Neville Podcast-ah Jamie Carragher leh Neville te chu titi in, team pahnih defender te chet dan an sawi dun a ni.
Gary Neville chuan Liverpool defender Kerkez khelh dan chu naupang kum 10 mi khelh ang maiin a khel niin a sawi a. Kerkez hi Liverpool in Bournemouth atangin Pound 45 million in an la lut a, duh angin Anfield lamah a thatna ala chhuak hlei theilo.
Neville chuan ti hian a sawi, "Ka hmuh dan chuan Liverpool defender te chet dan chu a chhe hle. Left back Milos Kerkez chu a che tha lo tak zet. Naupang kum 10 mi left back ang mai in a khel a ni." tiin a sawi.
Manchester United captain hlui hian Liverpool Central Back Virgil van Dijk chet dan pawh a sawisel tel a, a game khelh zawng zawngah a khelh chhiat ber tum a ni tiin a sawi bawk.
"Righ Back Conor Bradley chu vawiin khan a che tha pangngai viau" tiin a sawi belh.
Liverpool hian an match khelh leh turah Eintracht Frankfurt an hmachhawn dawn a, Premiere League-ah chuan Brentfor an hmachhawn bawk ang. He game an khelh leh tur pahnih hi away game a ni dawn a ni.
0 Comments