Juventus defender hlui Gianluca Frabotta chuan Cristiano Ronaldo Juventus lama hun a hman lai khan a lungawi lohna lantirna atan phul hnim (grass) a ei thin thu a sawi.
Kan hriat angin Real Madrid lama career duhawm tak a hman hnuin, C Ronaldo chuan kum 2018 khan Juventus a zawm anih kha. Serie A lamah khan season 3 vel hu hun a hmang hman ve a, Juventus chu Serie A nomawi pakhat ai tam a chawi pui mai bakah Coppa Italia nomawi a chawi pui bawk.
Amaherawhchu, Juventus lamah khan lungawi lohna neuh neuh sawi tur a nei ve nual a, media lamah pawh a lar ang reng thin anih kha. A bik takin 2019/2020 chho vela Juventus manage Maurizio Sarri nen pawh khan an inrem lo hle niin an sawi. Club an chhuahsanna chu rei ve deuh tawh mahse, Juventus defender hlui Gianluc Frabotta chuan C Ronaldo'an a lungawi lohna lan tir dan a sawi chhuak.
Tunhnai lawk khan Corriere della Sera interview-ah C Ronaldo temmate hlui Frabotta chu C Ronaldo nungchang vel zawh a ni. Frabotta chuan ti hian a sawi.
"A nungchang lantir dana ka ngaihtuah chhunzawm chu hei hi a ni, nikhat chu tactical drill kannei a, Sarri chuan set piece vela a chet dan tur a hrilh a, tlem chuan hetia a hrilh avangin a thinrim deuh tih chu hai rual a ni lo. A chhan chu keini ho lakah ani chu a danglam ve deuh a, tih dan tur vel hrilh a mamawh lo a ni, ball awmna leh tawpna tur chu a hretham nghal thei. Coach hriatthiam theih turin phul hnim (grass) chu a phawi a, a hnim a, a thial a ni." tiin a sawi.
Frabotta chuan C Ronaldo kiang a khel ve thei kha a inchhuan thu a sawi chhuak a, a career-a a inchhuan ve theih tur awmchhun pakhat anih chu a sawi bawk.
Juventus lama Cristiano Ronaldo hun a hman lai khan domestic lamah chuan a hlawhtling pui viau a, mahse, European lamah erawh eng nomawi mah a chawi pui lo.
Juventus lama season thum chhung hun a hman lai khan, Juventus tan match 134 ah inlanin, goal 101 a khung mai bakah assist vawi 28 lai a nei tling a ni.
 a ei thin thu a teammate hluiin a sawi!){kind=link}
0 Comments