Cristiano Ronaldo'an AL Nassr chu a striker duh la lut turin a ngen!

Al Nassr superstar Cristiano Ronaldo chuan a striker duh la lut turin club lam a ngen niin reports in a tarlang.

Kan hriat angin Cristiano Ronaldo chuan Al Nassr lama la cham chhunzawm turin summer lai khan contract thar a sign a nih kha. Al Nassr-ah hian kum 2 daih contract thar a sign a, kum 42 a upa anih thlengin Riyadh club-ah hian hun ala hmang dawn a ni.

Cristiano Ronaldo hi Al Nassr lamah power nei ve tak a ni a, a chhan chu an player pawimawh tak pakhat anih avangin. Fichajes lamin a tarlan dan chuan summer transfer lo awm turah club lam chu player tha ve tak la lut turin a ngen niin a tarlang.

Report tarlan danin, Portugues superstar C Ronaldo hian Barcelona striker Robert Lewandowski chu a partner tur atan la lut turin Al Nassr transfer maket lamah a ngen niin an tarlang.

Summer transfer lo awm turah khian Poland international Robert Lewandowski chuan Bacelona lama contract a neih chu a hmang zo ve dawn a. Tunah hian Barca tan goal 105 lai a khung mekin, Europe lama a vanglai chuan tawp lam a pan ve hret hret tawh a ni.

Tunah hian hliam leh harsatna neuh neuh avangin ala khel thei lova. Barca manager Hansi Flick chuan Marcus Rashford leh Ferran Torres chu a system angin a laiah a khelh tir mek a ni.

Tun season khelh mekah hian match 9 a inlan tawh atangin goal 4 a khung a, player che chhia tia han sawi mai theih a ni lo. Al Nassr lam hian Cristiano Ronaldo kawppuitu tur atan an duh ngei pawh a rinawm.

Kum 36 a upa Lewandowsk hian a hma khan Saudi Arabia lam atanga offer awm te chu alo hnawl tawh a, mahse, C Ronaldo ngenna hian thil a thlak danglam ngei a rinawm.

Robert Lewandowski a generation-a forward tha tak pakhat a ni a, kum 2020 pawh khan Ballon d'Or a dawng teuh hle anih kha. Covid 19 pandemic kha chu awmlo se a dawn ngei a rinawm.