King's Cup atanga an tlak hnuin C Ronaldo Teammate chu contract tih tawp sak turin an duh

Kan hriat angin Al Nassr leh Al-Ittihad te chuan King's Cup last 16 an khel a, Benzema leh a nau te hian Al-Nassr chu 2-1 in an hneh a ni. Al-Ittihad lam atangin minute 49 naah red card hmu mahse, Al Nassr lamin goal an khung thei bik tawh lo a ni.

Hnehna an chan loh hnu hian Al Nassr fans te chuan an goalkeeper Bento thiam lo lutuk leh che tha lo tak mai chu an sawisel a, X lamah an sawiselna tamtak hmuh tur a awm.

Al Nassr coach Jorge Jesus chuan goal vengtu atan, Nawaf Al-Agidi leh Raghed Al-Najjar te aiah Bento hi a hmang a. Amaherawhchu, Brazil goalkeeper hi duh ang leh beisei angin a che thalo hle a, ho deuhin goal a chhuah a ni.

Hei mai a ni lova Saudi Super Cup August thlaa khelh takah pawh khan a che tha lo hle a, penalty shot vawikhatmah a save lo anih kha.

Cristiano Ronaldo fan pakhat chuan, "Bento hi a contract tih tawp sak rawh u" tiin a sawi.

Pakhat dang chuan, "Bento hi an tumpui te an chak theihnan englai pawhin a awm" a rawn ti ve bawk.

Cristiano Ronaldo hian Al Nassr a pan hnu hian nomawi chawihna huntha nei nual mahse, a la chawi thei mang lova. Tun season khelh meka nomawi chawi theih tur an la nei a, Saudi Pro League nomawi leh, AFC Champions League hi a ni.

A bik takin Cristiano Ronaldo hi tun season khelh mekah a che tha ang reng a, Al Nassr tan match 9 a khelh tawh atangin goal 7 a khung mai bakah assist vawi 2 a nei bawk. Mahse, zaninah erawh duh angin a che tha lem lo.