Premiere League nomawi 5 lo chawi tawh tu Wayne Rooney chuan tun season Premiere League nomawi hi Arsenal in an chawilo anih chuan an manager thlak a ngai ang tiin a sawi.
Kan hriat angin Gunners lam hian season 3 a zawnin table-ah pahnihna an hauh tawh a. 2020 FA Cup nomawi an chawi kha Arteta'an Arsenal a enkawl hnua an chawi awmchhun ala ni a, Premiere League nomawi a la chawi pui lova, mahse tun season khelh mekah an la che tha hle. An match hnuhnung 5-ah clean sheet vawi 5 lai annei a ni.
Tun season Premiere League khelh mekah match 9 khelh tawh atangin table-ah point 4 in an sang fal a, champion lai Liverpool aiin point 7 in an sang fal bawk. Tun anga an che tha chho zel anih chuan nomawi chawi theihna chance annei sang hle.
"An Squad hi chu a tha tawk viau, experience nei tha player pawh annei nual. Nomawi chawi thei turin an inpeih reng. Nomawi an chawilo anih chuan an manager thlak a hun tihna ani mai" tiin Wayne Rooney chuan a podcast-ah a sawi.
Tunah hian Areteta hian Arsenal-ah kum 2027 thleng contract a nei mek a. Kumin chu nomawi an chawi ngei a ngai a, an chawi lo anih chuan an ban mai a rinawm.
0 Comments