Enzo Fernandez hi hmeichhe hmangaihna pahnih tuna a bialnu leh Wanda te karah a awm niin a lang. Wanda Nara hi kan hre vek awm e, Mauro Icardi nupui hlui kha a ni.
Wanda message avangin hunrei tak lo inkawp tawh Fernandez leh a bialnu Valentina Cervanes kar pawh a buai phah hle niin La Nacion chuan a tarlang.
Wanda-i hian World Cup winner Enzo Fernandez chu message alo thawn ni awm tak a ni, hei hian a bialnu Valentina-i abarakhaih hle. Hetia Wanda-in message a thawn khan Fernandez chuan reply nghal mai lovin, a bialnu Valentina-i chu a chhiar tir nghe nghe.
Argentine journalist Santiago Sposato chuan Wanda'in Fernandez message a thawn dan chu ti hian a tarlang. "Kan thenawm velah ka hmu thin che a, i duh chuan min rawn reply rawh" tiin.
Hetia Wanda'in Fernandez-a message alo thawn avang hian Valentina- i pawh awm nuamin a awm thei bik tawh lova, mahse, an inkar buaina neuh neuh te chu mipui hriatah an puangzar lem lo.
"Aw, message chu ka hmu ngei alawm, mahse, a hnuah chuan eng message mah ka hmu tawh lo. Enzo hian thil zawng zawng hi min hrilh lova, hetiang lam hawi hrim hrim hi min hrilh ngailo." tiin Valentina chuan a sawi.
Kan hriat angin hetiang vang a ni ngei ang vawikhat lai chu an inthen hman zuai a, mahse, tunah chuan ni leh tawhin, naupan deuh lai atanga lo inhmangaih anni a, fa pahnih annei bawk.
Wanda-i hian kum 2008 leh 2013 inkar chhung khan pasal atan Bacelona foward hlui Maxi Lopez chu a nei a, a hnu lawkah a teammage hlui Mauro Icardi nen an innei leh a ni. Kum 10 dawn tep an inneih hnuin, nikum khan aninthen ve leh a ni.
0 Comments