Athletico Madrid hian Arsenal, Real Madrid leh Liverpool te an hmachhawn tawh a, an hmachhawn hnuah an manager Diego Simeone chuan UEFA Champions League nomawi chawitu tur a rin a sawi.
Kan hriat angin 2025-26 season UEFA Champions League bikah Athletico Madrid fixture hi a hautak ang reng a, Premiere League club lian pahnih Liverpool leh Arsenal an hmachhawn nghal pang a ni.
An game hmasa zawkah Liverpool chu Anfield-ah an tum a, 3-2 in an tlawm, nimin lawkah Arsenal chu Emirates Stadium-ah tum lehin 4-0 lai maiin an tlawm leh anih kha.
Premiere League club lian pahnih Liverpool leh Arsenal a hmachhawn mai bakah Frankfurt an hmachhawn tawh bawk a, 5-1 in hnehna an chang ve a ni.
La Liga lamah September thla khan Real Madrid chu an lo hmachhawn tawh a, 5-2 in hnehna an chang bawk.
Athletico Madrid lamin club lian Liverpool, Real Madrid leh Arsenal te an hmachhawn tawh a, an tlawm nat ber tum chu Arsenal laka 4-0 lai mai an tlawmna kha a ni. Interview naah Diego Simeone chuan Arsenal chu tun season-a an team hmachhawn tawh zinga team tha ber annih thu a sawi. Champions Leageue nomawi an chawi ngei a beisei.
Amazon Prime kaltlangin Alex Aljoe chu ti hian a hrilh. "Ka sawi tawh angin, tun season-a kan team hmachhawn tawh zingah chuan Arsenal hi an la tha ber. An tlan peih hle a, field chhungah qulity in a khat. Vawiin hian hnehna changtu zawk nih an phu hliah hliah a, hnehna an chan tak avang khan ka lawmpui duh a ni" tiin a sawi.
Arsenal hian Champions League emaw Europen Cup pawh nise, an history-ah eng nomawi mah an la chawi lova, kum 2006 khan final chu an lut ve a ni.
0 Comments