Kan hriat angin Arsenal chuan Champions League match-ah Spanish club Atletico Madrid chu lo mikhualin, Emirates Stadium-ah 4-0 laiin hnehna an chang a ni. Point 3 hlu tak an hlawhchhuak a, hei mai bakah Champions League history thar an siam nghe nghe.
Mikel Arteta leh a naute hi Champions League lamah an che tha ang reng a, tunah hian unbeaten run annei mek a ni. Atletico Madrid lakah Gabriel Mahalhaes, Gabriel Martinelli leh Viktor Gyores te chuan goal an khung a, Gyokeres hian hian goal 2 a khung nghe nghe.
Kumin zet chu Arsenal lam an rawn che vung viau mai a, Premiere League lamah lah ni se, table-ah pakhatna dinhmun hauhvin hma an hruai mek. European lamah pawh beseina sang tak annei a ni.
Arsenal hian point thum hlu tak an hlawhchhuak mai a ni lova, Champions League History thar an siam a ni. Chu an history thar siam chu, Champions League history bikah a zawna Spanish team an hmachhawnna match 7-a hnehna chang vek team hmasa ber anni.
A hnuaiah hian Spanish club te an hneh dan kan rawn tarlang e:
Sevilla (A) 1-2
Seville (H) 1-2
Girona (A) 1-2
Real Madrid (H) 3-0
Real Madrid (A) 1-2
Athletic BilBao (A) 0-2
Athletico Madrid (H) 4-0
Arsenal hian European lamah record annei tha lo hle a, a bik takin Champions League leh Europa League-ah. Mahse, tun season meuh zawng beiseina annei sang hle, chutihrualin an player te pawh an che tha tak zet. Thlir zet phawt ang.
0 Comments