Right back Cendrim Kameraj hi Swiss footballer zinga hmalam hun eng tak nei a ni a, mahse, kum 2024 nipui lai khan kum 25 a upa niin football a chawlhsan a ni. A chawlhsan chhan chu hliam serious tak mai a nei a, hei hian football lama a career chu a ti tawp ve ta a ni.
Kum 7 chhung lekin football lama alo beiseina te chu a thamral a. Cendrim Kameraj hian hmun thum lai maiah a ruh inzawmna (joint) an tih mai chu na a nei a, duh ai hmain football lama a career chu a tawp phah ta a ni. Tunah hian contruction company-ah a thawk mek.
"A hma khan ka taksa tha chhuak leh turin dawh thei taka nghak thei leh thlithlai reng thei ka ni. Mahse, ka indem lo, football khawvel chhuahsan mai kha ka tana tha ber turah ka lo ngai a, mahse, hunkal tawha inchhhir avang khan thil a danglam phah lo a ni." tiin Kamej chuan Italian journalis Gianluca Di Marzio a hrilh.
Kum 2018 khan kum 19 a upa Kameraj chu Swiss club Luzern atangin Juventus youth team lamah a lut a, Cristiano Ronaldo kianga a khelhna a ni.
"Juventus atanga offer ka hmuh kha ka tan chuan mumang ram ang mai a ni. Atirah chuan ka awi theilo. Ka inchhuang a, ka hlim veng veng a, ka nervous bawk. A chhan chu rahbi pawimawh tak leh lian tham tak anih avangin" tiin offer a hmuh chungchang a sawi.
Cristiano Ronaldo kiangah training a nei ve nual hman a, experience tha tak a neih thu a sawi. "C Ronaldo kianga training neih chu a dan a dangin a special hle. A theihna leh chakna te chuan tamtakin a puih ang che.C Ronaldo-a ka duh em em chu a mentality hi a ni. A chawl ve ngai lova, amah atangin thil tha zawk chhuah belh tir hi englai pawha a duh a ni. C Ronaldo chuan ti hian min hrilh 'nghet taka awm leh thawhrimna tello chuan kan talent neih te hi engmah lo mai a ni' tiin. He thu hian min thawng hle a, professional line-a awm tak tak dan ka hriat phah a ni." tiin Cristiano Ronaldo chungchang a sawi.
0 Comments