Messi'an penalty pet lova, midang a pet tir avangin, Inter Miami fans te lawm lo!

Inter Miami chuan D.C United chu 3-2 an hneh a, mahse, Inter Miami fans lam Messi chungah an lawm lo. DC United lakah hian Messi chuan goal 2 a khung tho a, hattrick siam thei anih laiin, chance tha lutuk mai a lak duh loh avangin, Miami fans te an lawm lo.

Lionel Messi hi tun season khelh mekah a che tha ang reng hle a, game 22 a khelh tawh atangin goal 22 lai a khung a, hei mai bakah assist vawi 11 a nei tling bawk. DC united lakah khan hattrick siam thei a ni reng a, mahse, penalty a pet lo tlat.

Rawlthar player Mateo Silvetti chuan bench atanga a rawn luh hnu rei vak lovah, penalty a hlawh chhuak nghal a, Messi chuan he penalty hi Mateo Silvetti chu a pet tir a ni. Vanduaithlak takin, kum 19 a upa Silvetti chuan a pet goal lo hlauh.

Inter Miami fanste chu Leo Messi thu tlukna siamah an lawm lo hle. Envanga kum 19 a upa hi penalty pettir nge anih tiin X lamah an lungawi lohna an lantir ve.

Fan pakhat chuan, "Engemaw chang chuan Messi hi selfish ve deuh turin ka duh pui thin, hat-trick siam thei reng a ni" tiin a post.

Fan pahnihna chuan, "Messi hian heting thil tullo hi ti tawh ngailo se a tha khawp ang. Midang penalty pettir hi thil tha ber a ni lo. Game-ah hmahruaitu emaw hnehna chang chiang sa tur te anih ngawt loh chuan. He game-ah hian indraw ta se, a thil tih hi kan hre reng tawh ang." tiin a comment.

Fan pathumna, "Messi hi a aa tawh em ni, kha penalty kha pet ta che" tiin a ti bawk.

Fan palina, "Messi hi golden boot race-a awm a ni a, rawlthar, hmani lawka debut game khel chu penalty a pet tir, engtiklai pawhin intlansiakna a awm reng a ni tih hi hre rawh se." a rawn ti ve bawk.

Fans ten an comment dan han thlir chuan, Messi khan penalty kha pet ngei se an tih vang a ni.