Nizan Manchester United leh Chelsea te inkhelh zawhah khan Amad Diallo chuan Alejandro Garnacho chu thla a lak pui a, social media lamah post in, United fans lam an lawm lem lo niin an tarlang.
United chuan Old Trafford-ah Chelsea an mikhual a, Premiere League lama la tlawm lo, Chelsea lamin hnehna an chang lo hlauh.
Chelsea hian first half-ah player 10 in an khel a, Robert Sanchez'an red card a hmu hma hle. United hian first-ah Bruno Fernandes leh Casemiro goal hmangin 2-0 in hma an hruai a ni. Mahse, first half zawh hma hretah Casemiro chuan red card a hmu ve hlauh.
Second half lamah Chelsea hian han nawr viau mahsela, goal 1 bak an khung thei lova, United lam hian Old Trafford-ah 2-1 in hnehna an chang ta a ni.
Inkhelh zawh khan Amad Diallo chuan Garnacho nena an thlalak dunna chu social media lamah a post a, United fans thenkhatte an lungngawilo hle. Amad leh Garnacho hian an jersey ve ve chu kengin camera hmaah thla an la dun a ni.
Social media lamah, fan pakhat chuan, 'Hetiang thil hi kan tih tawp a ngai, game kheh hma leh khelh hnuah thian tih hi a awm tur a ni lo. Thla lak puiin, kan nui tur a ni lo" tiin a rawn comment.
Pakhat dang leh chuan, "Amad hi a che mawi lo hle mai"
Fan pathumna chuan, "Amad hi a che mawi lo takzet, tuemaw ber khan han hrilh te u" tiin an comment hlawm a ni.
0 Comments