Kan hriat angin Harry Kane chuan €100 million lai maiin German club Bayern Munich a zawm anih kha, mahse, a hma deuh khan media thenkhatte chuan a flop ta ni tein an sawi. Mahse, tun season khelh mekah Bundesliga match 4 a khelh tawh ataing goal 8 lai mai a khung. An game hnuhnung bera Hoffenheim an hmachhawn tumin hattrick a siam nghe nghe. Kum 2023 khan Tottenham atangin Bayern Munich hi a zawm a, Bayern tan match 103 a inlan tawh atangin goal 98 lai a khung tling tawh a ni.
Tottenham atanga German club a zawm khan, German Media te an buai!
Tottenham atanga Bayern Munich a zawm tum khan German media te chuan kum 30 a upa man atana €100 million lai mai han sen chu tiin an sawi a, hei mai bakah a career-ah major trophy pakhatmah ala chawi lo zui ni tein an sawi. Mahse, Kane chuan amah sawiseltu te chu a chet dang hmangin a chhang let. Kum 2 chhung vel chauh Bayern-ah hian hun la hmang mahse, goal 100 a khung tling tep tawh a ni.
German Journalist lamin ngaihdam dilna an chhuah.
Bild Journalist Alfred Draxler chuan Bayern in Hoffenhem an hneh tum khan ti hian ngaihdam dilna a chhuah, "Kum 2023 a Harry Kane'an €100 million lai mai a Bayern a zawm tuma sawiseltu zingah ka tel. Kha tih lai khan €100 million chu kum 30 a upa major trophy pawh la chawi ngailo tan khan a tam mah mah niin ka ngai a, man tlawm zawk player dang, entirnan, Niclas Fullkrug te ang pawh an awmin ka hria, ani hian season liamtaah khan goal 16 lai Werder Bremen tan a khung a ni."
"Harry Kane hi a inhliam ngailo a, hei hi vanneih vang a nilo, a dicipline a tha em em a, taima taka a training thin avang a ni." tiin a sawi bawk.
Harry Kane hian Bayern Munich tan Bundesliga bikah match 67 a inlan tawh atangin goal 70 lai a khung tling mek a ni.
0 Comments