Club -4 ah C Ronaldo a in offer, European lama kir leh a duh niin a lang. mahse, hnawl a ni - Reports

Portugal leh Al-Nassr star Cristiano Ronaldo chuan European club 4 ah, amah leh amah a in offer a, Chelsea pawh a tel niin report in a tarlang

C.Ronaldo hi thla leh maiah kum 40 a tling dawn a, ani hian January 2023 khan Saudi Arabia lamah a insawn anih kha. FIFA World Cup Qatar lama anneih hma lawk khan Manchester United lama contract a neih lai tih tawp sak a nih kha. Kha mi hnu lawk khan Al-Nassr lamah a lut a, boruak a nei lian hle.

Football365 in a tarlan danin, Real Madrid legend hi Europe football lama kir leh a duh niin an tarlang a, hetihlai hian Chelsea chuan an lo hnawl tawh a, a hnuah PSG, Atletico Madrid leh Bayern Munich te pawhin an hnawl bawk a ni.

Ronaldo hian hlawh chungchangah harsatna a nei niin a lang, hei hian European Football lama kir lehna tur kawng a dal ni berin a lang. Tun season inelna hrang hrangah Al-Nassr tan match 19 a inlan tawh atangin goal 16 a khung mai bakah assist vawi 3 a nei tling mek a ni.