Premiere League game 8 an khelh hnuin Gunners lam chu hmahruaitu an la ni a, pahnihnaa awm Man City aiin point thumin an sang mek a ni. Hetihlai hian Champion lai Liverpool erawh palina dinhmun an hauh ve mek bawk. Mahse, duh angin tunhnai hian an che tha vak lova, match hnuhnung 5 an khelh atangin vawikhat chiah hnehna an chang a ni.
Mahse, Man City boss Pep Guardiola chuan Arne Slot leh anau te chu Premiere League Title Race-ah an la tel reng niin a sawi.
"Game khat hnih vel, game thum pawh a ni mai thei, tah kha chuan Keini City lam chu kan chhuak chiang hle. Liverpool erawh chu Title race-ah an tel nghal der. Tuna a lan dan pawhin Liverpool chu title race-a tel sa ang anni. Hei hi ka hrilh duh che u, an lo kir leh ngei ang, vawi tamtak ka sawi tawh. Pundits, player hlui, leh mi special ten game 5 khelh hnua thil thleng an hre vek title race a tel pawh an hria. Mahse, kei chuan ka la ring theilo."
"Kei chuan thil nih dan leh awm dan tak tak hre turin game10, 15 vel tal ka nghak phawt thin. Mahse, Liverpool leh Arsenal hi title race-ah an awm ngei ang. Team dang pawh an awm ngei a rinawm a, title race-ah chuan kan awm ngei ka beisei a ni." tiin Pep Giardiola chuan Premiere League title race chungchang a sawi.
Hriat angin 2023-24 khan Man City chuan Arsenal chu point 2 in an khum a, Premiere League nomawi an chawi anih kha. Tun season-ah hian chawi leh thei tak ang maw?
0 Comments