Kan hriat angin nizan khan Wembley Stadium-ah England chuan Greece an hmachhawn a, the Three Lion lam hi Greece lakah an tlawm a ni. An tlawm hnuah England fans ten England player pahnih an sawisel ve nghal.
Nizan inkhelh kha a hmuhnawm ang reng hle a, mikhual lam Greece hian 2-1 inhnehna an chang hlauh a ni. Greece lam hian goal an khung hmasa zawk a, minute 49 naah Pavlidis chuan goal khatna a khung a, hunrei tak an khelh chhungn goal dang a luh belh lo, hun tawp lam minute 87naah Bellingham chuan draw na goal a rawn khung ve leh chiah a, amaherawh chu, extra time-ah Pavlidis bawkin Greece tan chakna goal a rawn khung ta a ni.
Social Media lama alan danin Phil Foden leh Anthony Gordon chungah England fans te an lawm vak lo niin a lang.
"Envangin nge Foden hian England tan start theihna hun tha hi a neih ziah ni?" tiin fans pakhat chuan Social Media lamah a post.
Pakhat dang pawhin, 'Foden hian Enland tana start hi a phu tawh lo, a phu leh anih chuan start chauh rawh se.' tiin a sawi bawk.
Foden ang bawkin Gordon chungah England fans te an lawm lo, Gordon hi kan player tha 11 thlan chhuah zingah a tello, tiin post a siam ve bawk.
England hian player annei tha a, an la naupang hlawm bawk. Mahse, a pawimawh ber hnehna erawh an la chang hlei thei lo.
0 Comments