Argentina Football Federation (AFA ) chuan Lionel Messi leh Argentina te chu November international brake lo awm turah Kerala-ah an zin dawn lo niin an confirm. Kan hriat angin AFA lam chuan a hma khan La Albiceleste team te chu November ni 10 atanga ni 18 inkar chhungin India lamah friendly match an khelh tur thu an lo puang anih kha.
Argentina hian Kerala lamah fans ruhkawl an tih ang chi annei tam hle a, mahse, an beiseina leh duhthusam chu a takah ala chang thei rih dawn lo niin a lang.
AFA lamchuan thuchhuah an siam a, November thla a plan anneih te chu an tih danglam thu an tarlang.
"Lionel Scaloni enkawl Argentina team te chu November thla khian Trainng leh friendly match Angola (14 Friday) hmachhawn tuin Spain lamah an zin dawn a. Match an khelh zawh hunah palai te chu South America lamah rawn kir lehin November ni 18 thleng training an chhunzawm leh nghal ang" tiin Argentina Football Federation (AFA) chuan thuchhuah an siam a ni.
India lama Event sponspore tu Anto Augustine chuan Social Media lamah game khelh hun tur pawhsei anih chungchang ti hian a sawi ve bawk.
"FIFA lam atangin approval kan hmu har hle a, AFA official te nen meeting kan neih hnuin, game khelh hun November kan tih chu kan thlang danglam ta a ni. Kerala lamah khelh tur hi next window-ah a ni dawn a, thuthar kan rawn puang thuai turah kan ngai" tiin a sawi a ni.
0 Comments